Chak 28 Oktòb, moun nan plizyè peyi selebre Jounen Lang ak Kilti Kreyòl, yon okazyon pou mete valè sou yon lang ki gen plis pase 13 milyon moun k ap pale l nan mond lan. Kreyòl se plis pase yon lang, se yon mwayen pou kenbe yon idantite, yon eritaj ak yon fason pou montre lanmou pou rasin nou, an gwo Kreyòl se yon kilti.
Jodia se yon gwo jounen nan kominote kreyòl la. Chak 28 Oktòb, nou selebre lang kreyòl ak kilti kreyòl, yon eritaj ki enpòtan anpil pou moun ki sòti nan peyi Karayib la ak dyaspora. Jounen Entènasyonal Lang ak Kilti Kreyòl se yon moman pou fè sonje kreyòl la se plis pase yon mwayen kominikasyon, men yon idantite, yon kilti ki charye istwa ak valè dèyè l.
Lang kreyòl la, ki baze sou eritaj Afriken, Ewopeyen ak Amerendyen, te devlope pandan epòk kolonyal la kòm yon zouti rezistans kont sistèm esklavaj la. Li se yon lang ki te pèmèt esklav yo komine, fè pase mesaj, ak bati yon solidarite. Jodia, li se yon lang fyète pou anpil moun, yon senbòl rezilyans ak libète.
Jodi a 28 Oktòb, se Jounen Entènasyonal Lang ak Kilti Kreyòl, nan lide pou selebre lang ak kilti sa plis pase 13 milyon moun atravè mond lan pataje.
Ki pwovèb kreyòl ou pi renmen di oubyen tande? pic.twitter.com/L2TahsV3rR
— Chrismìc Giroud (@LikeChrisss) October 28, 2024
Selebrasyon jounen sa a se yon apèl pou tout moun ki pale kreyòl pote lang yo ak fyète : pataje pwovèb yo, mizik yo, ak tout lòt aspè ki fè kilti kreyòl la rich epi vivan. Yon pwovèb ki soti nan kè anpil moun ki pale kreyòl di konsa : “Dwèt trese kòd, kòd mare bwa!” ki vle di travay di ak disiplin ka mennen nan siksè. Yon lòt pwovèb popilè ankò ki vle di anpil se “Merite pa mande.” Sa vle di ke respè ak rekonesans yo pa yon bagay moun mande, men yon bagay ou jwenn lè ou fè sa ki gen valè.
Ann selebre lang kreyòl la jodi a, e chofe flanm nan pou pwochen jenerasyon yo ka kontinye pote l.
Comment here